BAHASA BALI RING ZAMANE MANGKIN
Suksma aturang titiang ring
bapak guru antuk galah sane kapaica ring sikian titiang. Sadurung titiang
matur-atur pinih riin ngiring sareng sami ngucapang pangastung kare
Om Swastyastu
Astiti bakti titiang aturang
ring Ida Sang Hyang Widhi Wasa mawinan antuk asung kerta waranugraha ida iraga prasida
mapupul iriki sareng sami
Bapak
guru sane wangiang titiang lan timpal-timpal sane tresnain titiang. Ring dinane mangkin titiang jagi mapidarta
indik keweruhan bahasa Bali ring zamane mangkin nyanggra rahina bulan bahasa
Ida dane sareng sami
Bahasa
bali ring zamane mangkin sampun katinggalin olih para yowanane. Mangkin
pare yowanane meledan mlajahin bahasa inggris, bahasa Indonesia miwah bahasa
sane lianan. Para yowana ngarasa tan
wenten gunane yening melajahin bahasa bali mangkin. Napi malih para yowanane
mangkin sampun keni iusan zaman, krana punika para yowana sampun engsap tekening wit ragane dados anak Bali sepatutne
bisa mabasa bali. Napi malih pulau Bali irage puniki tujuan pariwisata sane sampun
kaloktah ring dura negara. Akeh pisan toris dura negara miwah toris domestik
melancaran ke Bali, punika mawinan iraga sepatutune nyaring budaya-budaya
saking dura negara sane tan patut.
Timpal-timpal
tiange sinamian, tiang metaken sira ten seneng dados jatma Bali ?
Iraga dados putra bali sepatutne
bagia dados jatma Bali . Krane pulo Bali polo sane cenik nanging prasida kaloktah ring jagate. Napi malih budaya Bali
ageng pisan saking bahasa, kesenian miwah sane lianan sampun akeh anake
nguningin.
Ida dane sinamian, tiang
mapinunas mangdene irage tusing lali tekening bahasa bali bahasa wit irage.
Yening irage sampun kelih ditu irage mekrama adat sepatutne irage ngangge
bahasa bali rikala irage ngemolihang pikenoh utawi dadi pengurus karma adat. Napi
irage tusing elek yening ring paruman punika irage ngage bahasa Indonesia utawi
bahasa inggris. Bahasa bali ten je
maguna ring bali manten, yening irage meneng ring luar Bali drika pastika irage
tundene ngajahin-ngajahin budaya Bali minakadi kesenian lan bahasa Bali. Irage
lek pisan yening dados anak Bali irage tan bisa budaya Bali .
Titiang dugasne niki nyingak turis
saking Jerman sane sampun lancar mabasa bali alus napi malih ia meneng ring
jeroan pedanda. Ia mlajain bahasa bali tuah a warsa manten nanging irage
meneng di bali sampum kudang waesa? Inggih ring dinane mangkin irage patutne melajahin bahasa bali mangdene
ngelestariang basa bali magde ten ical keni kemajuan zamane mangkin. Majeng
ring pemerintah titiang nunas mangdene Bahasa bali punika kaplajahin ring TK
kanti SMA mangdene para yowane tusing lali tekening base bali. Mangdene yowana
meled mlajahin basa bali, pemerintah patutne nglaksanayang
pacentokan-pacentokan minakadi pidarta basa bali, puisi bali, muah sane lianan.
Ring guru pengajian titiang mapinunas mangdene ngemargiang pelajaran bahasa
bali sane inovatif sene ngranayang para sisia nau mlajahin bahasa bali.
Inggih
wantah asapunika pidarta tiange yening wenten keiwangan titiang sane
kelaksanayang titiang nunas geng rene sinampura. Inggih titiang puputang antuk parama shanti.
Om Shanti Shanti Shanti Om
Tidak ada komentar:
Posting Komentar